بس میں آگ لگنے سے خوف وہراس، تمام مسافر محفوظ

دہرادون،  جمعرات کی دوپہر ریاستی دارالحکومت دہرادون سے ہلدوانی جانے والی ٹرانسپورٹ کارپوریشن کی بس میں اچانک آگ لگ گئی۔ جس کی وجہ سے موقع پر افراتفری مچ گئی۔ عجلت میں بس ڈرائیور نے بس روک کر تمام مسافروں کو باہر نکالا۔ اطلاع ملتے ہی پولیس نے موقع پر بس کا معائنہ بھی کیا۔ تمام مسافر محفوظ بتائے جاتے ہیں۔ موصولہ اطلاع کے مطابق جمعرات کی دوپہر ٹرانسپورٹ کارپوریشن کی ایک بس دہرادون سے ہلدوانی کی طرف جارہی تھی۔ اسی دوران بس کے اندر سے اچانک دھواں اٹھتا نظر آیا جس سے ہر کوئی خوفزدہ ہو گیا۔ ڈرائیور نے فوراً بس روک کر تمام مسافروں کو باہر نکالا۔ بس ڈرائیور اونیش کمار نے بتایا کہ بس کے اندر بونٹ کے قریب رکھا کپڑا گرم ہو گیا اور آگ لگ گئی۔ بس کو روکنے کے بعد جلتا ہوا کپڑا فوراً باہر پھینک دیا گیا۔ ریت اور پانی سے آگ پر قابو پالیا گیا۔ اطلاع ملتے ہی کوتوالی پولیس بھی موقع پر پہنچ گئی۔ تمام مسافروں کو دوسری بس کے ذریعے منزل کی طرف روانہ کر دیا گیا۔ ،